- बिहीबार, १३ वैशाख, २०८१
उदयपुर, २७ असार – सामाजिक सेवाका लागि आफ्नो निजी सम्पत्ति दान गर्ने मानिस समाजमा बिरलै मात्रमा पाइन्छन् ।
केही थोरै मानिसले मात्र समाज सेवामा आर्थिक सहयोग गर्ने गरेको कुरा सुन्न पाइन्छ । यस्तै समाजसेवाका लागि ठूलै आर्थिक सहयोग गर्ने व्यक्तित्वमध्ये उदयपुर जिल्लाको हँडिया गाविस– २ बस्ने नरेन्द्र राउत पनि एक हुन् ।
राउतले भर्खरैमात्र उदयपुर जिल्लाको जोगीदह गाविस– १ स्थित जनप्रेमी निम्नमाध्यमिक विद्यालयको नयाँ भवन निर्माणका लागि झन्डै रु १३ लाख नगद आर्थिक सहयोग गरेका छन् ।
हँडियाबाट हाल अस्थायी रुपमा काठमाडाँैमा बसोबास गर्दै आएका राउतले सो विद्यालयको भवन निर्माण गर्नका लागि नगद १३ लाख आर्थिक सहयोग गरेको विद्यालय व्यवस्थापन समितिका अध्यक्ष बीरबहादुर चौलागाईंले बताए ।
हँडिया गाविस र जोगीदह गाविसको सिमानामा पर्ने जनप्रेमी निमाविमा भवनको अभाव हुँदा विद्यालयका विद्यार्थी पाखामा बसेर अध्ययन गर्न बाध्य भएको देखेर तत्काल नै नयाँ भवन निर्माणका लागि राउतले आर्थिक सहयोग गरेको समितिले जनाएको छ ।
