- बिहीबार, १३ वैशाख, २०८१
काठमाण्डु, ३ असार– प्रधानसेनापति गौरवशम्शेर राणा दक्षिण छिमेकी भारतको औपचारिक भ्रमण पूरा गरी स्वदेश फर्किएका छन् ।
भारतको स्थल सेनाध्यक्ष जनरल विक्रम सिंहको निमन्त्रणामा देहरादुनस्थित इन्डियन मिलिटरी एकेडेमीमा सञ्चालित अधिकृत आधार तालिमको आयुक्त पद प्रदान कवाज समारोहमा सहभागी भएर राणा मंगलबार स्वदेश फर्केका हुन् ।
समारोहमा प्रमुख अतिथिका रुपमा सहभागी हुन राणा गत जेठ २७ गते त्यसतर्फ प्रस्थान गरेका थिए । तालिमको अन्तिम दीक्षान्त समारोहको निरीक्षण, कवाजलाई सम्बोधन गर्नुका साथै सर्वाेत्कृष्ट हुने अधिकृत क्याडेटलाई सोर्ड अफ अनर प्रदान गरेका थिए ।
उक्त अवसरमा प्रधानसेनापति राणाले इन्डियन मिलिटेरी एकेडेमीका कमाण्डाण्ट लेफ्टीनेन्ट जनरल मनभेन्डर सिंहसाग भेटवार्ताका क्रममा द्विपक्षीय हित तथा तालिम आदानप्रदानका विषयमा छलफल गरेका थिए ।
भारत बसाइका क्रममा राणाले भारतीय समकक्षी जनरल विक्रम सिाह, वायु सेना प्रमुख मार्शल अरुप राह र जल सेनाका भाइस एडमिरल सुनील लम्बासँग छुट्टाछुट्टै भेटवार्ता गरेको सैनिक जनसम्पर्क निर्देशनालयले जनाएको छ ।
यस किसिमको उच्च सैनिक नेतृत्वको भ्रमणले नेपाली सेना र भारतीय सेनाबीच रहादै आएको पारस्परिक सौहार्दपूर्ण सम्बन्धलाई अझ सुमधुर, दरिलो एवम् विस्तार गर्न थप टेवा पुगेको विश्वास नेपाली सेनाले लिएको छ ।
