
काठमाण्डु, २ असार– संसारका हिन्दूहरुका आराध्यदेवका नामले चिनिने पशुपति मन्दिरका मूल पूजारीमा गणेश भट्ट नियुक्त भएका छन् ।
पशुपति क्षेत्र विकास कोषको सिफारिसमा प्रधानमन्त्री सुशील कोइरालाले सोमबार भट्टलाई मूल पूजारी तोकेका हुन् ।
कोषको संरक्षकका हैसियतमा सरकार प्रमुखले मूल पूजारी नियुक्त गर्ने व्यवस्था छ । कोषको आइतबारको बैठकले मूल भट्ट महावलेश्वरको राजीनामा स्वीकृत गर्दै गणेशलाई मूल पूजारी नियुक्त गर्न सिफारिस गरेको थियो ।
मूल भट्ट महावलेश्वरले घरायसी कारण देखाउंदै गत कात्तिकमा राजीनामा दिएका थिए । कोषका सदस्यसचिव गोविन्द टण्डनले पशुपतिको मन्दिरको सम्पूर्ण पूजाआजा सोमबारबाटै नयाँ भट्टले सम्हालेको बताए ।