- शुक्रबार, १४ वैशाख, २०८१
गोरखा, ३१ जेठ – एकीकृत माओवादी वरिष्ठ नेता बाबुराम भट्टराईले आगामी माघ ८ गतेसम्म मुलुकले नयाँ संविधान पाउने दाबी गरेका छन् ।
गोरखास्थित आफू जन्मेको गाउँ खोप्लाङको नरेश्वरलाई खुला दिसामुक्त घोषणा गरेपछि बोल्दै उनले संविधान निर्माण प्रक्रियामा सकारात्मक प्रगति भइरहेको बताए ।
संविधानसभाअन्तर्गतको संवैधानिक राजनीतिक संवाद तथा सहमति समितिका सभापतिसमेत रहेका भट्टराईले अघिल्लो संविधानसभाका नमिलेका विषयमा छलफल भइरहेको भन्दै दलहरु सहमतिमा पुग्ने विश्वास व्यक्त गरे ।
१८ वर्ष उमेर पुगेका नागरिकलाई सैन्य तालिम दिने विषयमा भएको सहमतिलाई उनले महत्वपूर्ण भने ।
संघीयता, प्रधानमन्त्री र राष्ट्रपतिबीचको अधिकार बाँडफाँड र पछाडि पारिएका वर्ग र समुदायलाई अग्राधिकार दिने विषयमा कसैको विमति हुन नहुने उल्लेख गरे ।
