धनगढी, २७ जेठ–बढ्दो गर्मीका कारण विद्यालय,व्यापार व्यवसाय,कृषि सबै लगायत क्षेत्रमा प्रभाव पर्न थालेको छ ।
विद्यालय जाने छात्र–छात्रालाई गर्मीले बढी असर पुर्याउन थालेपछि कैलालीका निजी विद्यालयमा पठनपाठनको काम केही दिनका लागि बन्द गरिएको विद्यालय प्रशासनले जनाएको छ ।
गर्मीले खेतबारीमा राखिएको धानको ब्याड र तरकारी बाली सुक्न नदिन दिनहुंँ बोरिङबाट पानी दिनुपरेको कृषकले बताएका छन् ।
गर्मीका कारण विपन्न वर्ग र दैनिक ज्याला–मजदूरी गरेर जीविका चलाउनेहरु सबैभन्दा बढी प्रभावित भएका छन् ।
गर्मी बढेसँगै स्थानीय स्वास्थ्य संस्थामा बिरामीको चाप पनि बढेको स्वास्थ्यकर्मीले बताएका छन् ।
केही दिनदेखि यहाँ गर्मी बढेर अधिकतम तापक्रम ४१/४२ डिग्री सेल्सियसको आसपास पुगेसँगै सापेक्षिक आद्र्रता बढेको अनुमान गरिएको छ ।
गर्मी बढेपछि स्थानीय बजार क्षेत्रमा मध्याह्नमा सर्वसाधारणको आवागमन निकै कम हुने गरेको छ ।