- बिहीबार, १३ वैशाख, २०८१
गौशाला, १८ जेठ– विषालु सर्पको टोकाइबाट शनिबार राति महोत्तरी सुन्दरपुरकी एक बालिकाको मृत्यु भएको छ ।
मृत्यु हुनेमा सुन्दरपुर–६ का पच्चु साह तेलीकी सात वर्षीया छोरी रीताकुमारी साह रहेको जिल्ला प्रहरी कार्यालय महोत्तरीले जनाएको छ ।
राति ८ बजेको समयमा आफ्नै घरको आागनमा बसिरहेका बालिकालाई भ्यागुता लिएर आागनमा आएको विषालु सर्पले टोक्दा निजको मृत्यु भएको प्रहरी निरीक्षक एकवाल हवाडीले बताए ।
बालिकाले आफूलाई भ्यागुताले टोकेको भनेपछि परिवारले खासै ध्यान दिएनन् तर तुरुन्तै बालिका साहको अवस्था सिकिस्त हुन थालेपछि परिवाजनले घरेलु उपचार सुरु गरेका थिए । घरेलु उपचारकै क्रममा राति ९ बजेतिर मृत्यु भएको प्रहरी निरीक्षक हवाडीले जानकारी दिए ।
मृतक बालिकाको शव परीक्षणका लागि जिल्ला अस्पताल जलेश्वर लगिएको इलाका प्रहरी कार्यालय गौशालाले जनाएको छ ।
