- मंगलबार, ११ वैशाख, २०८१
नुवाकोट, १२ जेठ – नुवाकोटको ओखरपौवाको डम्पिङ साइटमा फोहर बोकेर आएको ट्रकको ठक्करबाट एक महिलाको मृत्यु भएको छ ।
काठमाण्डुबाट फोहर बोकेर ओखरपौवा गाविस–४ ल्यान्डफिल्ड साइटमा फोहर फाल्न आएको बा २ ख ५४५५ नम्बरको ट्रकको ठक्करबाट सोही ठाउँकी ३० वर्षीया दुर्गा सेढाईंको घटनास्थलमै मृत्यु भएको हो ।
ल्यान्डफिल्ड साइटमा फोहर बोकेर गाडी आएपछि फोहर सङ्कलन गर्न झुम्मिएकामध्ये सेढाईंलाई गाडीले ठक्कर दिएको थियो ।
स्थानीयवासीले एकपटक ठक्कर दिएपछि घाइते भएकी सेढाईंलाई चालकले गाडी ब्याक गरेर किचेर मारेको बताएका छन् ।
मृतकका आफन्तले चालकलाई कडा कारवाहीसहित मृतकका परिवारलाई उचित क्षतिपूर्तिको माग गर्दै शव उठाउन नदिएको स्थानीय समाजसेवी सीताराम घिमिरेले बताए ।
