काठमाण्डु, ९ जेठ– पर्यटन मन्त्रालयले नयाँ एक सय चार हिमाल आरोहणका लागि खुला गरेको छ । यी सहित जम्मा चार सय १४ हिमाल आरोहणका लागि खुला भएका छन् ।
नयाँ खुला भएका हिमालमध्ये ‘यालुङ खाङ पश्चिम’ आठ हजार मिटर भन्दा बढि उचाई भएको हिमाल हो । जसको उचाई ८ हजार ७७ मिटर रहेको छ ।
नौवटा हिमालको उचाई सात हजार भन्दा माथि रहेका छन् ।
हिमाली पर्यटन बढाउन आरोहणका लागि नयाँ हिमाल खुला गरिएको पर्यटन मन्त्रालयका सह–सचिव मधुसुदन बुर्लाकोटीले जानकारी दिए ।
उनले हिमाल आरोहणका लागि नेपाल आउने पर्यटकले नयाँ हिमाल चढेर नाम लेखाउन चाहने हुनाले हामीले यो छनोटको अवसर दिएको बताए ।