- बिहीबार, २८ जेठ, २०८३
राजविराज, ११ चैत – सप्तरीको कञ्चनपुर गाविस–१ घर भई राजविराज नगरपालिका–९ स्थित माइतमा बस्दै आएकी २१ वर्षीया रिणा कर्णले थप दाइजो माग्ने पतिसँगसम्बन्ध विच्छेदको माग गरेकी छन् ।
रिणाले ३४ वर्षीय पति विजयकुमार कर्णले थप दाइजो माग्दै कुटपिट गरी घर निकाला गरेको भन्दै सोमबार जिल्ला अदालतमा सम्बन्ध विच्छेदका लागि निवेदन दर्ता गराएकी हुन् ।
पीडितले दिएको निवेदनमा आरोपित पतिलगायत घरपरिवारका सदस्यले थप दाइजो माग गर्दै गत वर्ष चैत २५ गते कुटपिट गरी घरनिकाला गरेकाले सम्बन्ध विच्छेदको माग गरेको अदालतले जनाएको छ ।
सामाजिक परम्पराअनुसार ०६८ असार १५ गते भएको विवाहमा आरोपितले दाइजोबापत नगद रु तीन लाख र एक लाख ५० हजारको सुनका गरगहना लिएको पीडितले निवेदनमा दाबी गरेकी छन् ।
