- शुक्रबार, १४ वैशाख, २०८१
काठमाण्डु, २४ फागुन – ट्वान्टी ट्वान्टी विश्वकप तयारीका लागि खेलेको अन्तिम अभ्यास खेलमा नेपालले जितहात पारेको छ । विश्वकप तयारीका क्रममा गएराति नेपालले युएइसँगको अभ्यास खेलमा जित हात पारेको हो ।
टस जितेर पहिले व्याटिङ्ग गरेको नेपालले निर्धारित २० ओभरमा ८ विकेटको क्षतिमा १ सय ४९ रन जोड्न सफल रह्यो ।
उपकप्तान ज्ञानेन्द्र मल्लको नाममा ५२ रन रहयो । कप्तान पारस खड्काले ३२ रनको योगदान दिए ।
शक्ति गौचन १५ , बसन्त रेग्मी र सुवास खकुरेलले समान १० रन जोडे ।
लक्ष्य भेटाउन मैदानमा उत्रिएको यूएइले दुई बल बाँकी छँदै सवै विकेट गुमायो । नेपालका सोमपाल कामीले ४ ओभरमा २२ रन दिएर ३ विकेट लिए ।
जितेन्द्र मुखिया, बसन्त रेग्मी, र सागर पुनले समान २– २ विकेट लिए । शक्ति गौचनले १ विकेट लिएका थिए । पहिलो खेलमा नेपाल नेदरल्याण्डसँग ४४ रनले पराजित भएको थियो ।
