- मंगलबार, २४ असार, २०८२
कञ्चनपुर, १९ फागुन – नेकपा मसालका महामन्त्री मोहनविक्रम सिंहले तोकिएको समयमा संविधान जारी गर्न जनदबाब सिर्जना गर्नुपर्ने बताए छन् ।
प्रगतिशील पत्रकार सङ्घ कञ्चनपुरले सुडामा आयोजना गरेको पत्रकार सम्मेलनमा महामन्त्री सिंहले दलहरु सत्ताको खेलमा लागिरहेकाले जनताले लोकतान्त्रिक गणतन्त्रात्मक संविधान जारी गर्न जनदबाब दिनुपर्ने बताए ।
एमाओवादी, मधेसीवादी र राजावादीहरुले संविधान निर्माणमा अनेकन बाधा सिर्जना गरेको बताउँदै सिंहले उनीहरुलाई लोकतान्त्रिक संविधान निर्माणमा सहयोग गर्न आग्रह गरे ।
एमाले–काँग्रेस गठनबन्धनको सरकारले संविधान निर्माण गर्न सक्छ या सक्दैन भन्ने प्रश्नहरु बाहिर आइरहेका बेला मसालले लोकतान्त्रिक संविधान निर्माणका लागि कोइराला सरकारलाई समर्थन गरेको महामन्त्री सिंहले बताए । सङ्घीयताको पक्षमा स्पष्ट बहुमत नआएका कारण सङ्घीयताबारे जनमत सङ्ग्रह गर्नुपर्ने उनको माग छ ।
