- बिहीबार, १३ वैशाख, २०८१
काठमाण्डु, १९ फागुन– सुशील कोइराला नेतृत्वमा नयाँ सरकार गठन भएसँगै काठमाण्डु उपत्यकामा तिब्बती शरणार्थीको गतिविधि बढेको छ ।
प्रधानमन्त्रीमा निर्वाचित भएलगत्तै नेपालका लागि चिनियाँ राजदूत उ चुन्ताईसँगको भेटमा कोइरालाले एक चीन नीतिप्रति प्रतिबद्धता रहेको बताउँदै नेपाली भूमि चीनविरुद्ध प्रयोग हुन नदिने विश्वास दिलाएका थिए ।
तर पछिल्लो केही सातायता राजधानीमा तिब्बती शरणार्थीको चहलपहल ह्वात्तै बढेको छ । तिब्बती शरणार्थीले मंगलबार राजधानीको बौद्ध क्षेत्रमा कार्यक्रम गर्दैछन् ।
रहेक वर्ष मार्च १० तारिखका दिन तिब्बतीहरुले मुक्ति दिवस मनाउने गरेका छन् । गत वर्षहरुमा सामान्य रुपले मनाउने गरिएको मुक्ति दिवस यो वर्ष भने तामझामका साथ मनाउन लागिएको छ ।
दिवस मनाउन भारतको धर्मशालाबाट सयौंको संस्ख्यामा तिब्बतीहरु नेपाल पसेका छन् । स्रोतका अनुसार यसपटक पनि तिब्बतीले
आत्मदाहको तयारी गरेका छन् ।
