आफ्नै देवरले गरे भाउजुको हत्या

भक्तपुर–१८ फागुन– भक्तपुर सिरुटारका  एक युवकले आफ्नै भाउजुलाई कुटपिट गरी हत्या गरेका छन् ।
सिरुटार–२ का ३२ वर्षीय श्रीकृष्ण कायस्थले भाउजु ३८ वर्षीया सुनकेशरी कायस्थको हत्या गरेको प्रहरीले जनाएको छ । कायस्थले एक साताअघि आफ्नै कोठामा बोलाएर कुटपिट गर्दा घाइते भएकी सुनकेशरीको उपचारका लागि लैजांदै गर्दा बाटैमा मृत्यु भएको हो ।
हत्यामा संलग्न कायस्थलाई नियन्त्रणमा लिएर अनुसन्धान थालिएको महानगरीय प्रहरी परिसर भक्तपुरले जनाएको छ ।