- शनिबार, ८ वैशाख, २०८१
मोरङ, १५ फागुन– मोरङ प्रहरीले ठूलो परिमाणमा हतियारसहित नेपाल पसेका पाँच भारतीयलाई पक्राउ गरेको छ ।
सिमा क्षेत्रबाट विराटनगरतर्फ आउँदै गरेका उनीहरुलाई जिल्ला प्रहरी कार्यालय मोरङबाट खटिएका सादा पोसाकका प्रहरीले पक्राउ गरेको हो ।
१४–बीआर–१०–आर ९५५१ नम्बरको भारतीय कारमा हतियारसहित आएका उनीहरुलाई विराटनगर उप–महानगरपालिकाबाट पक्राउ गरिएको प्रहरीले जनाएको छ ।
पक्राउ पर्नेमा भारत भागलपुर बरारी थाना बस्ने मुरलिधर दास, विकास कुमार पासवान, नितेशकुमार यादव, प्रमोदकुमार ताँती, फन्टुस ताँती र सुवोध पासवान रहेको प्रहरीले जनाएको छ ।
उनीहरुको साथबाट ७ राउण्ड गोली लोड भएका ५ थान पेस्तोल र त्यसमा लाग्ने गोली लोड गरेको ४ थान म्यागजिन,तथा ५८ राउण्ड गोलीसमेत प्रहरीले बरामद गरेको छ ।
ठूलो मात्रामा हतियार बोकेर नेपाल भित्रिएका अपराधीको ठूलै घटना गराउने उद्देश्य भएको हुन सक्ने अनुमान प्रहरीले गरेको छ
