- बुधबार, २७ जेठ, २०८३
काठमाण्डू, २७ जेठ– गत २३ र २४ भदौमा भएको जेनजी आन्दोलनका कारण राजीनामा दिएको ९ महिनापछि तत्कालीन प्रधानमन्त्री केपी शर्मा ओलीको राजीनामा राजपत्रमा प्रकाशित भएको छ ।
भदौ २४ गते उनले दिएको राजीनामा मुद्रण विभागले आज (बुधबार) उक्त सूचना नेपाल राजपत्रमा प्रकाशित गरेको हो । उक्त प्रकाशनको रिफरेन्स नम्बर २६३७४ रहेको छ ।
जबकि जेठ २५ गते प्रकाशित सूचनाको रिफरेन्स नम्बर २६३७३ रहेको थियो । यद्यपि, राजपत्रको मिति भने भदौ २४ गतेकै राखिएको छ ।
राष्ट्रपति कार्यालयका तत्कालीन सचिव दीपक काफ्लेको नाममा उक्त राजीनामाको सूचना राजपत्रमा प्रकाशित गरीएको हो ।
