काठमाण्डु, ९ फागुन – ट्राफिक प्रहरीले नियम विपरित मोटरसाईकल चलाउनेहरुलाई कारबाही थालेको छ ।
ट्राफिक नियम पालना नगरी तिब्र गतिमा हाँक्ने, अनावश्यक ओभरटेक गर्ने, मोडमा असुरक्षित तरिकाले चलाउने र पैदलयात्रुहरुलाई समस्यामा पार्ने लगायतका मोटरसाईकल चालकलाई कारबाही सुरु गरिएको हो ।
गत आईतबारदेखि सुरु भएको अभियानमा हालसम्म सयौं मोटरसाईकल चालक कारबाहीमा परिसकेका छन् ।
नियम विपरित मोटरसाईकल चलाएको भेटिएमा आधा घण्टासम्म सडकमै नियन्त्रणमा राखेर त्यस पश्चात ५ मिनेटको व्रिफिङपछि छाड्ने गरिएको ट्राफिक प्रहरी निरिक्षक सीताराम हाछेथुले जानकारी दिए ।
यसक्रममा आज नै करिव १०० वटा मोटरसाईकललाई नियन्त्रणमा लिएर कारबाही गरिएको छ । दुर्घटना न्युनिकरण गर्न भन्दै प्रहरीले एक साताको यो अभियान चलाएको हो ।