- मंगलबार, २७ जेठ, २०८२
काठमाण्डु, ३ फागुन – सहिद स्मारक ए डिभिजन लिग फुटबलको सुपर सिक्सको महत्वपूर्ण खेलमा थ्री स्टार र नेपाल पुलिस क्लबले बराबरी खेल्दै अंक बाँडेका छन् ।
दशरथ रंगशालामा शनिबार दुवै टोलीले गोलरहित बराबरी खेलेपछि लिग लिडर मनाङ मर्स्याङदी क्लवलाई फाइदा पुगेको छ ।
निकै प्रतिस्पर्धात्मक खेलमा दुवै टोलीले धेरै गोल गर्ने अवसर चुकाएका थिए । जारी लिगको पहिलो चरणको खेलमा थ्रीस्टारले पुलिसलाई २–१ ले हराएको थियो ।
बराबरीसँगै २६ अंकसहित पुलिस दोस्रो र २५ अंकसहित थ्रीस्टार तेस्रो स्थानमा कायमै छन् । यिनीहरुले १४ खेल खेलेका छन् भने एक खेल कम खेलेको मनाङको २९ अंक छ ।
