- बिहीबार, ६ वैशाख, २०८१
बनेपा, १५ माघ– काभ्रेमा एक महिलालाई हत्या गरी फरार रहेका दुई जनालाई प्रहरीले पक्राउ गरेको छ ।
काभ्रेको चौवास गाविस–६ की ६७ वर्षीया मसिनी तामाङको हत्या गरी फरार २० वर्षीय सूर्यबहादुर तामाङ र २३ वर्षीय सोनाम तामाङलाई जोरपाटी गाविस–६ बाट पक्राउ गरिएको जिल्ला प्रहरी कार्यालय काभ्रेले जनाएको छ ।
उनीहरूले महिलाको हत्या गरेर घरमा रहेको गरगहना र मोबाइलसमेत लुटेको प्रहरीले जानकारी दिएको छ । पक्राउमा परेका दुवै जनाबारे जिल्ला अदालतबाट म्याद थप गरी थप अनुसन्धान भइरहेको छ । उनीहरूले माघ १३ गते राति उनको हत्या गरेका थिए ।
रासस
