- शुक्रबार, १० चैत, २०७९
काठमाण्डु, पुस – राखी सावन्त अरुको टिप्पणी गरेर बारम्बार चर्चा र विवादमा आइरहन्छिन् ।
यस पटक उनले माधुरी दीक्षितको बारेमा नकारात्मक टिप्पणी गरेकी छिन् । राखीको दावा छ कि माधुरी दीक्षितभन्दा उनी राम्रो डान्सर हुन् ।
उनले भनेकी छिन्, ‘ये जवानी है दीवानीमा माधुरीले गरेको नृत्य केही होईन, त्यो भन्दा राम्रो त म गरिदिन्छु ।’
राखीले सन्नी लियोनलाई त डान्स गर्नै नआउने बताएकी छिन् । ‘सन्नीलाई त डान्स गर्नै आउँदैन, राखीले भनिन्, ‘उसले एक्सप्रेसन दिनसमेत जानेको छैन ।’
साथै राखीले आफू असली आइटम गर्ल भएको दावी गरेकी छिन् ।
उनको दावी छ कि उनीसँग प्रतिस्पर्धा गर्न सक्ने कोही पनि छैन । उनको यस्ताे अभिव्यक्ति पछि माधुरी र सन्नीको कुनै प्रतिक्रिया आएको छैन ।
अन्त्यमा राखीले प्रश्न गरेकी छिन् ‘माधुरी जस्तो ठूलो हीरोइनलाई आइटम डान्स गर्ने जरुरत किन पर्यो ?’
यसअघि उनी बलिउड स्टार सलमान खानको अभिव्यक्तिप्रति प्रतिक्रिया दिँदै ‘सलमान भर्जिन भए म पनि भर्जिन हुँ ।’ भनेर चर्चामा आएकी थिइन् ।
