- मंगलबार, ११ वैशाख, २०८१
काठमाण्डु, २५ मंसिर– ट्याक्सी व्यावसायीहरूले मिटर बिगारी बढी भाडा असुल गर्ने, मिटर नचलाई मनलागी रकम लिने गरेको उजुरी परेपछि अख्तियार दुरुपयोग अनुसन्धान आयोगले कडा कारबाही गर्न सम्बद्ध निकायहरूलाई निर्देशन दिएको छ ।
मंगलबार व्यवसायीसहित सम्बन्धित सरकारी निकायसँग आयुक्तहरूबीच छलफल हुँदा कानूनी व्यवस्थाको कडाइका साथ पालना गर्न गराउन ती निकायलाई निर्देशन दिइएको आयोगका सहायक प्रवक्ता केशवप्रसाद घिमिरेले बताएका छन् ।
सर्वसाधारणसँग बढी रकम असुल गर्ने तथा निश्चित स्थान र समयपछि सेवा दिन इन्कार गर्ने सेवाग्राहीको गुनासो सम्बोधन गर्दै चालकहरूका त्यस्ता गतिविधि रोक्न आयोगले नेपाल गुणस्तर तथा नापतौल विभाग, यातायात व्यवस्था विभाग र महानगरीय ट्राफिक महाशाखालाई त्यस्तो निर्देशन दिएको हो ।
