सभासदका लागि थप १० प्रतिशत महिला सिफारिस गर्न माग

काठमाण्डु १९ मसिर–अन्तर पार्टी महिला सञ्चालले समानुपातिक तर्फबाट दलहरुले संविधानसभा सदस्यका लागि नाम सिफारिस गर्दा १० प्रतिसत थप गरेर सिफारिस गर्नु पर्ने माग गरेको छ ।
सञ्जालले समानुपातिक तर्फबाट एक सिट प्राप्त गर्ने दलले अनिवार्य महिला पठाउनुपर्ने, विजोर संख्यामा  सिट प्राप्त गर्ने दलले  महिला निर्वाचित गर्नु पर्ने र सरकारबाट मनोनित हुने २६ सिटमा ५० प्रतिसत अनिवार्य मनोनित गर्नु पर्ने माग पनि गरेको छ । सञ्जालद्धारा बुधवार काठमाण्डुमा आयोजित पत्रकार सम्मेलनमा आफूहरुले शालिनतापूर्वक अगाडि सारेको मागलाई यथासिघ्र संबोधन नगरी बेवास्ता गरिए कडा आन्दोलनमा उत्रने चेतावनी समेत दिईएको थियो ।
पत्रकार सम्मेलनमा कल्याणी रिजालले दलहरुले प्रत्यक्ष तर्फको निर्वाचनमा महिलाहरुलाई ठगेको दावी गर्दै आफूहरुले पटक पटक दल र सरकारको ध्यान आर्कषित गराएपनि वेवास्त गरिएकोले आफूहरु आन्दोलनमा जान बाध्य हुने स्थिति आएको बताईन ।
एकीकृत माओवादीकी नेतृ कल्पना धमलाले संविधानमा उल्लेख भए अनुसार राज्यका हरेक अंगमा ३३ प्रतिसत महिला सहभागिता सुनिश्चित हुन नसकेको भन्दै तत्काल सो विषय कार्यान्वयन गर्न माग गरिन ।