दमक, १९ मंसिर–झापाको दमक–१३ स्थित खनाल होेटलमा आगलागी हुँदा १५ लाख रुपैयाँभन्दा बढीको क्षति भएको छ । मंगलबार राति १० बजे ग्यास सिलिन्डरबाट शुरु भएको आगलागीबाट १५ लाख रुपैयाँ बराबरको धनमाल जलेर नष्ट भएको होटल सञ्चालक लोकनाथ खनालले जानकारी दिए ।
आगलागीमा परी एउटा फ्रिज, इन्भर्टर, साइकल दुईवटा, पङ्खा, कुर्सी, टेबल तथा चिसो पेयपदार्थ भएका कार्टुन जलेर नष्ट भएका छन् । दमक नगरपालिकाको दमकलले आगो नियन्त्रणमा लिएको थियो ।