मोरङ, १८ मंसिर– नेपाल प्रहरीका प्रहरी महानिरीक्षक उपेन्द्रकान्त अर्यालले प्रहरीको आचारण एवम् व्यवहारलाई समय अनुकूल सुधार गर्दै संगठनको आन्तरिक सुदुढीकरण गर्न निर्देशन दिएका छन् ।
आमजनतामा प्रहरीको छवि सुधार गरी जनताको सेवक हुन् भन्ने प्रमाणित गर्न पूर्व क्षेत्र प्रहरी कार्यालय विराटनगरमा मंगलबार प्रहरी अधिकृत एवम् जवानलाई महानिरीक्षक आर्यालले निर्देशन दिएका हुन् ।
उनले प्रहरी संगठनले व्यावसायिकता अगाल्नु पर्ने बताउँदै दण्ड र एवम् पुरस्कारको नीतिलाई सबै दर्जका प्रहरी कर्मचारीप्रति समान व्यवहार गरिने बताए ।
अवसरमा पूर्व क्षेत्रीय प्रहरी कार्यालयका प्रमुख प्रहरी नायब महानिरीक्षक नवराज सिलवालले निर्देशन दृढताका साथ पालन गर्ने बताए ।