एक हजार चार सय बिरामीको स्वास्थ्य जाँच

काठमाण्डु टुडे २०७० मंसिर १४ गते २:४१ मा प्रकाशित

दमौली, १४ मंसिर–नेपाल कोरिया संयुक्त स्वास्थ्य विकास कार्यक्रमअन्तर्गत एसिया मानव अधिकार तथा सांस्कृतिक विकास मञ्चद्वारा तनहुँको भानु–६ नरेश्वटारमा आयोजित निःशुल्क स्वास्थ्य शिविरमा बिहीबारसम्म एक हजार ४०० बिरामीको स्वास्थ्य परीक्षण गरिएको छ । कोरियन चिकित्सकको टोलीले ती बिरामीको स्वास्थ्य परीक्षण गरेका हुन् ।

शिविरमा पेटसम्बन्धी रोग, स्त्रीरोग, बालरोग, मुटुरोग, हाडजोर्नी, फिजियोथेरापी, जनरल फिजिसियन, शल्यक्रिया, अल्ट्रासाउन्ड, इसिजी, ल्याब सेवा र औषधि तथा परामर्श सेवा दिइएको मञ्चका अध्यक्ष सिद्धिचन्द्र बरालले जानकारी दिए । शिविरमा रु ३० लाख बराबरको औषधि निःशुल्क वितरण गरिने बताइएको छ । शिविरमा आउनेमा महिलाको पाठेघर, मुटुरोगी, ग्यास्टिक तथा बालबालिकामा छाला र निमोनियाका बिरामी बढी रहेको जानकारी अध्यक्ष बरालको भनाइ छ ।

कोरियन डा लिवाङ जुनको नेतृत्वमा रहेको २६ जना कोरियन स्वास्थ्यकर्मी र स्वदेशका डा हेमन्त बाटाजु र डा महेश खकुरेलले ती बिरामीको स्वास्थ्य परीक्षण गरेको मञ्चले जनाएको छ । रासस

Copyright © 2016 kathmandutoday.com Department of Information Reg No:460/074/75 About Us