६० मुरी धान सखाप

काठमाण्डु टुडे २०७० मंसिर १० गते १३:१४ मा प्रकाशित

fireइलाम, १० मंसिर- इलामको एकतप्पा–६ का रामप्रसाद लिम्बूको ६० मुरी धान भएको कुन्यूमा अचानक आगलागी हुँदा जलेर नष्ट भएको प्रहरीले जनाएको छ ।

साठी मुरी धान फल्ने खेतमा दुईवटा कुन्यू लगाएकोमा दुवै जलेर नष्ट भएकाले अब वर्षदिनभरी के खाने भन्ने चिन्ताले सताएको लिम्बूले दुःखेसो गरे । वर्षदिनभरीको कमाई एकै रातमा स्वाहा भएपछि १२ जनाको परिवार बिचल्लीमा परेको हो ।

लिम्बूले क्षतिपूर्तिका लागि जिल्ला प्रशासन, प्रहरी, रेडक्रसमा निवेदन दिएका छन् । उनको आर्थिक अवस्था निकै नाजुक छ ।

Copyright © 2016 kathmandutoday.com Department of Information Reg No:460/074/75 About Us