- बुधबार, १२ वैशाख, २०८१
काठमाण्डु, ६ मंसिर–नेपाली काँग्रेसका टेकबहादुर गुरुङ १ हजार ५२७ मत प्राप्त गरी मनाङबाट संविधानसभा सदस्यमा निर्वाचित भएका छन् । गुरुङ दोस्रो संविधानसभा निर्वाचनमा विजयी घोषित हुने पहिलो उम्मेदवार हुन् ।
उनका निकटतम प्रतिद्वन्द्वी राप्रपाका त्रिपल्पी गुरुङले ११९२ मत पाएका छन् । राप्रपा नेपालका भुजुङ गुरुङले ५६३ र एनेकपा माओवादीका कपिल लामाले २६१ मत पाएका छन् । मनाङमा कुल तीन हजार ६५६ मत खसेकोमा ३३ मत बदर भएको थियो ।
यसअघि पहिलो संविधानसभा निर्वाचनमा मनाङबाट माओवादीका देव गुरुङले जितेका थिए । देव गुरुङ हाल चुनाव बहिस्कार गर्दै आएको नेकपा–माओवादीमा छन् ।
त्यसअघिको संसदीय निर्वाचनमा काँग्रेसका पाल्तेन गुरुङ विजयी भएका थिए ।
