चुनाव शान्तिपूर्ण बनाउन मिलिजुली बैठक

काठमाण्डु टुडे २०७० कार्तिक २९ गते १२:०३ मा प्रकाशित

हेटौँडा, २९ कात्तिक– जिल्ला प्रशासन कार्यालय मकवानपुरको सक्रियतामा शुक्रबार हेटौँडामा बसेको सर्वदलीय बैठकले संविधानसभा निर्वाचनलाई स्वतन्त्र, निस्पक्ष तथा भयरहित वातावरणमा सम्पन्न गराउन विभिन्न राजनीतिक दलको तर्फबाट प्रत्यक्ष सहयोग गर्ने सर्वसम्मति गरेको छ ।

सो बैठकले निर्वाचन आयोगले तोकेको आचारसंहितालाई अक्षरशः पालना गर्नुका साथै विभिन्न दलहरुले निर्वाचन प्रचारको क्रममा सार्वजनिक स्थानमा चुनावी तोरण, पोस्टर र पार्टीको चिह्नसहितको झण्डा भोलि नै दलले हटाएर मुख्य निर्वाचन अधिकृतको कार्यालयमा लिखित जानकारी पठाउने निर्णय गरेको छ ।

प्रजिअ एकनारायण अर्यालको अध्यक्षतामा भएको सो साथै बैठकले मकवानपुरको पालुङ, दामन, भीमफेदी, मनहरि, लोथरा तथा हेटौँडाको सार्वजनिक स्थल, होटलमा शुक्रबार साँझदेखि आगामी मङ्सिर ५ गतेसम्म मदिराको बिक्री, वितरण र सेवन गर्न निषेध गरेको छ ।

Copyright © 2016 kathmandutoday.com Department of Information Reg No:460/074/75 About Us