- बिहीबार, १३ वैशाख, २०८१
काठमाण्डु, २८ कात्तिक– बुधबार सामाखुशीमा एक माइक्रो बसमा पेट्रोल बम प्रहार हुँदा घाइते भएकाहरुको उपचार सरकारले गर्ने भएको छ । घटनामा ९ जना घाइते भएका थिए, जसमा चार वर्षीय एक बालिका पनि परेकी थिइन् ।
टोखाको ग्रान्डी असपतालमा उपचार भइरहेका घाइतेहरुको उपचार खर्च सरकारले बेहोर्ने निर्णय भएको काठमाण्डु प्रमुख जिल्ला अधिकारी वसन्तराज गौतमले जनाएका छन् । उनले भने, ‘घाइतेहरुले को उपचार खर्च सरकारले बेहोर्ने निर्णय भइसकेको छ ।’
उनले बन्दका क्रममा तोडफोड तथा आगजनी भएका १३ गाडी धनीहरुलाई राहत उपलब्ध गराइसकेको जनाउँदै बिहिबार थप पाँच जनाले राहतको दाबी गरेको बताए । अहिले राहतमा दुई लाख छ हजार रकम खर्च भइसकेको उनले जनाए ।
