- शुक्रबार, २८ भदौ, २०८१
काठमाण्डु–चीन र भारतबीच सीमाक्षेत्रमा शान्ति कायम राख्ने लगायतका नौं बुँदे सम्झौता भएको छ । भारतीय प्रधानमन्त्री मनमोहन सिंहको चीन भ्रमणको क्रममा सीमा रक्षा सहयोगमा महत्वपूर्ण सम्झौता भएको हो ।
सीमा विवाद हटाउन सौहाद्रपूर्ण भूमिका निर्वाह गर्न दुवै देशका प्रधानमन्त्रीले प्रतिबद्धता जनाएका छन् । साथै उनीहरु आतंकवाद अन्त्यका लागि एकअर्कालाई सहयोग बढाउन पनि सहमत भएका छन् । नालन्दा विश्वविद्यालय, द्विपक्षीय व्यापार, सडक र उर्जा क्षेत्रमा सहयोग बढाउनेलगायतका विषयमा पनि सम्झौता भएको छ ।
यसअघि बेइजिङमा चिनियाँ प्रधानमन्त्री लि ख छ्याङ र भारतीय प्रधानमन्त्री मनमोहन सिंहबीच भेटवार्ता भएको थियो ।
रुस भ्रमण सकेर भारतीय प्रधानमन्त्री सिंह मंगलबार राती चीन पुगेका थिए । उनले बुधबार चिनियाँ राष्ट्रपति शि चिनफिङसँग भेटवार्ता गर्ने कार्यक्रम छ । सिंह सम्मानमा राष्ट्रपति शिले रात्रीभोज आयोजना गरेका छन् ।
