- शुक्रबार, १४ वैशाख, २०८१
ललितपुर, १५ असोज–पूर्वयुवराज्ञी हिमानी शाहले आफ्नो ३८ औं जन्मदिनको अवसरमा ललितपुरको हात्तीवनमा स्थानीय नवकिरण अनाथ तथा असाहय बाल उत्थान समाजद्वारा सञ्चालित अनाथालयका बालबालिकालाई खाद्यान्न तथा लत्ता–कपडा वितरण गरेकी छिन् । अनाथालयमा पुगेर नौ क्वीण्टल चामल, एक क्वीण्टल २० केजी दाल, ९० केजी गेडागुडी, ३० केजी नूनलगायतको खाद्यान्न र केही लत्ता कपडा समाजका कोषाध्यक्ष मैना पोखरेललाई हिमानीले मंगलवार हस्तान्तरण गरेकी हुन् ।
पूर्व युवराज्ञी शाह अनाथालय पुग्दा नवकिरण अनाथ तथा असाहय बाल उत्थान समाजका पदाधिकारी र अनाथालयमा आश्रित ४६ जना बालबालिकाले पुष्पगुच्छाले र माला लगाई दिएर स्वागत गरेका थिए । अनाथ बालबालिकासँग कुराकानी गर्नुसँगै सञ्चालकसँग अनाथालयको आयस्रोतको विषयमा हिमानीले जानकारी लिएकी छिन् ।
