- बुधबार, २६ वैशाख, २०८१
काठमाण्डु, १५ असोज– केन्याको राजधानी नैरोवीमा एक साताअघि एक व्यापारिक केन्द्रमा भएको भिडन्तबारे स्पष्टीकरणका लागि स्थानीय उच्च अधिकारीहरुलाई संसदमा 
प्रस्तुत गरिने भएको छ ।
अन्तर्राष्ट्रिय रेड क्रस सोसाइटीले ३९ जना मानिस अझै बेपत्ता रहेको जनाएपछि केन्याली संसदले घटनाबारे उच्च अधिकारी तथा गुप्तचरहरुसंग सोधपुछ गर्ने भएको हो । नैरोवीको वेस्टगेट शपिङ सेन्टरमा हमला हुनु एक वर्ष अघि नै स्थानीय प्रहरी लगायतलाई घटनाबारे जानकारी गराएको समाचार गोप्य स्रोतबाट सार्वजनिक भएपछि केन्याली सरकारलाई उच्च अधिकारीहरुसंग सोधपुछ गर्न दबाब बढेको हो ।
सार्वजनिक भएको गोप्य समाचारका अनुसार सुरक्षा अधिकारीहरुलाई अल शबाब समूहले वेष्टगेट मलमा गर्न लागेको आक्रमणबारे गत वर्ष सेप्टेम्बरमा नै जानकारी गराएका थिए । संसदले सो समाचारकै आधारमा घटनाबारे निर्णय लिनु उचित नहुने बताउादै गुप्तचर तथा सुरक्षा निकायका अधिकारीहरुलाई अनुसन्धानको घेरामा भने उभ्याउने बताएको छ ।
अन्तर्राष्ट्रिय रेड क्रस सोसाइटीले सोमबार एक प्रतिवेदनमार्फत घटनापछि ३९ जना अझै बेपत्ता रहेको सार्वजनिक गरेपछि केन्याली सरकारको यसप्रति ध्यान आकर्षित भएको हो । आक्रमणमा ६ सुरक्षाकर्मीहरु सहित ६१ जना मारिएका थिए भने पााच जना आतंकवादी सुरक्षा फौजको गोलीको शिकार बनेका थिए ।
