- बिहीबार, ६ वैशाख, २०८१
काठमाण्डु, ११ असोज–काठमाण्डुको जोरपाटी नारायणटारमा शुक्रबार विहान अज्ञात व्यक्तिले गोली चलाउँदा एकजना घाइते भएका छन् । कालो पल्सर मोटरसाइकलमा सवार व्यक्तिले चलाएको गोली लागेर भारतीय नागरिक मोहमद सुनहक घाइते भएका हुन् ।
उनको पेटमा दुई र तिघ्रामा दुई गरी चार गोली लागेको प्रहरीले जनाएको छ । स्थानीय शंकरापुरा अस्पतालमा प्रारम्भिक उपचारपछि थप उपचारकालागि उनलाई महाराजगन्जस्थित शिक्षण अस्पताल पुर्याइएको छ । उनी बौद्धमा कपडा सिलाउने काम गर्दछन् ।
प्रत्यक्षदर्शीका अनुसार बा ४० प ९३४७ नम्बरको कालो पल्सर मोटरसाइकलको पछाडी सवार व्यक्तिले गोली चलाएको थियो । मधेसी मूलको जस्तो देखिने गोली चलाउने व्यक्तिको पहिचान भएको छैन ।
घटनाको जानकारी पाएलगत्तै गोली चलाउने व्यक्तिको खोजी जारी राखेको प्रहरीले जनाएको छ ।
