- शुक्रबार, १४ वैशाख, २०८१
काठमाण्डु, ९ भदौ– काठमाडौं परिसरको विशेष टोलीमा काम गर्ने दुई प्रहरी जवानले २५ किलो सुन लुटेको खुलासा भएको छ । घुमुवा प्रहरी नारायण थापा र राजकुमार माझीले सिन्धुपाल्चोकको तातोपानी नाकाबाट सुन लिएर आएको गाडीलाई काभ्रेको धुलिखेलबाट अपहरण गरी भकुन्डेबेसी पुर्याई सुन लुटेका हुन् ।
सुन दोर्जे शेर्पाको हो । प्रहरीद्वय थापा र माझीले सुन लुट्न ६ जना लुटेराको पनि सहयोग लिएका थिए । थापा उनै हुन्, जसले दुई महिनाअघि बरामद गरेको १६ किलो सुनको सूचना दिएका थिए । अपहरण गरी सुन लुट्ने दुई प्रहरीलाई पक्राउ गरी हिरासतमा राखेर अनुसन्धान अघि बढाइएको छ । तर, लुटिएको सुन अझै बरामद नभएको कान्तिपुर दैनिकमा समाचार छ ।
