- शनिबार, २० असार, २०८३
काठमाण्डु, २१ मंसिर– मोहन वैद्य नेतृत्वको नेकपा– माओवादीकोले वर्तमान संविधानसभा विघटनको माग गर्दै प्रधानमन्त्री सुशील कोइरालालाई ज्ञापनपत्र बुझाएको छ ।
माओवादी निकट जनसमितिले सरकारी निवास बालुवाटारमा भेटेर आइतबार प्रधानमन्त्री कोइरालालाई ज्ञापनपत्र बुझाएका हुन् ।
नेतृ पम्फा भुसाल नेतृत्वमा गएकाहरुले बुझाएको ज्ञापनपत्रमा संविधानसभा विघटन गरी सर्वपक्षी राजनीतिक सभा गठनको माग गरिएको छ ।
संविधानसभाबाट संघीय गणतन्त्रको संविधान बन्न नसक्ने निश्चित भएकाले संविधानसभा विघटनको माग गरेर ज्ञापनपत्र बुझाइएको केन्द्रीय सदस्य महेश्वर दाहालले जानकारी दिए ।
यस्तै ज्ञापनपत्रमा जनयुद्धकालिन मुद्दा खारेजी, दोस्रो संविधानसभा निर्वाचन बहिस्कारका क्रममा पक्राउ परेकाको रिहाई, बेपत्ता नागरिकको अवस्था सार्वजनिक गरिनुपर्ने लगायतका माग समेटिएको छ ।
माग पूरा नभए कडा संघर्षमा उत्रने चेतावनी उनीहरुको छ ।
