बिहे भोजमा रक्सी भन्दै स्प्रिट खुवाएपछि जन्ती सोत्तर

काठमाण्डु, १६ मंसिर– छिमेकी गाउँको बिहेमा भाँडा माझ्न गएका महिलाले रक्सी ठानी ल्याएको स्प्रिट गाउँको बिहेभोजमा खुवाउँदा तातापानी– ३, थामीगाउँमा सोमबार तीन महिलाको मृत्यु भएको छ ।

घटनामा ५० भन्दा बढी बिरामी छन् । एकको अवस्था सिकिस्त छ । स्प्रिट पिउने अधिकांश बालबालिका, महिला तथा वृद्दवृद्दा र छन् ।

बाह्रबिसे इलाका प्रहरी कार्यालयका इन्स्पेक्टर मन्जिल मुकारुङका अनुसार मृत्यु हुनेमा स्थानीय ६५ वर्षीया धनमाया थामी, ४६ वर्षीया सोममाया थामी र ६२ वर्षीया चर्कुली थामी छन् ।

उनीहरु सबैले आइतबार दिउँसो स्प्रिट (टेबुल, दराजलगायत सफा गर्ने पदार्थ)  सेवन गरेको प्रारम्भिक अनुसन्धानबाट खुलेको मुकारुङले बताए ।
नागरिक दैनिकबकाट