- बुधबार, ३१ असार, २०८३
काठमाण्डू, ३१ असार– श्रम संस्कृति पार्टीका सांसद अम्बिकादेवी सङ्ग्रौलाले बालेन नेतृत्वको सरकार एक्सप्रेस वे मा हिँडेको गाडी जस्तो भएको भन्दा राम्रो सुनिए पनि त्यही गाडी दुर्घटना हुँदा राम्रो नसुनिने तर्क गरेकी छन ।
आज (बुधबार) बसेको प्रतिनिधिसभा बैठकमा बोल्दै सांसद सङ्ग्रौलाले यस्तो बताएकी हुन । उनले सरकार विधि र पद्धतिभन्दा बाहिर जान लागेकोतर्फ सङ्केत गर्दै त्यो नरोकिए दुर्घटना पर्न सक्ने पनि बताएकी छन ।
उनले भनिन्, ‘विधिको शासनको मूल आधार सबैमा लागू हुनुपर्छ । प्रधानमन्त्रीले नै नियम तोडेपछि आम नागरिकबाट नियम पालनाको आस गरेर हुँदैन, हिजो पनि माननीय खुस्वु अोली बोलिरहँदा प्रधानमन्त्रीले नियमावली उल्लङ्घन गर्नुभएको छ । व्यक्ति होइन, विधिले देश बनाउने हो ।’
