- शुक्रबार, ८ साउन, २०८३
काठमाण्डू, १४ जेठ– पोखराको पृथ्वीचोकस्थित बसपार्कअगाडि संस्थान क्षेत्रमा कांग्रेस र नेकपा एमाले निकट मजदुर संगठन र विभिन्न संस्थाले बनाएका संरचना खाली गर्ने काम सुरु गरीएको छ ।
सहारा क्लब, हिमाली सांस्कृतिक परिवार, सामुदायिक प्रहरी सेवाका संरचनामा डोजर चलाइएको हो । ट्रेड युनियन र संस्थाले पोखरा उपत्यका नगर विकास समिति मातहको जग्गामा संरचना बनाएर भाडासमेत उठाउँदै आइरहेका थिए । नेकपानिकट मजदुर संगठनले भने यसअघि नै अस्थायी संरचना भत्काएर स्थायी संरचनाको चाबी हस्तान्तरण गरेको थियो ।
हङकङ बजारको अगाडि आज डोजर लगाइएको संरचनाका व्यवासायीले रातिसम्ममा सामान उठाएर उक्त ठाउँ खाली गरेका थिए ।
यो ठाउँमा सहाराले सञ्चालन गरेको सार्वजनिक शौचालयसमेत छ । यस स्थानका संरचना हटाउन अन्तिम पटक ३५ दिने सूचना दिइएको थियो ।
