- शुक्रबार, ८ साउन, २०८३
काठमाण्डू, १० जेठ– सरकारको गलत कार्यशैलीविरुद्ध प्रतिनिधि सभाका प्रतिपक्षी दलहरु थप सशक्त बन्ने भएका छन ।
प्रतिपक्षी दलहरु कांग्रेस, एमाले, नेपाली कम्युनिस्ट पार्टी र राष्ट्रिय प्रजातन्त्र पार्टीका प्रमुख सचेतकहरूको आइतबार भएको छलफलमा जेठ १२ गते बस्ने प्रतिनिधि सभा बैठकमा सरकारको सशक्त प्रतिरोध गर्ने निष्कर्षमा पुगेका हुन् । आज सिंहदरबारस्थित एमाले संसदीय दलाको कार्यालयमा भएको छलफल उक्त निष्कर्ष निकालेको एमाले प्रमुख सचेतक ऐनबहादुर महरले जानकारी दिएका छन ।
कांग्रेसकी बासना थापा, एमालेका ऐन महर, नेकपाका युवराज दुलाल र राप्रपाकी प्रमुख सचेतक खुश्बु ओलीबिच छलफल भएको हो । छलफलमा प्रधानमन्त्री बालेन्द्र शाह (बालेन)ले संसद्लाई गरेको उपेक्षा, विपक्षीको विरोधलगायत विषयमा छलफल नेकपाका युवराज दुलालले जानकारी दिएका छन ।
एमाले प्रमुख सचेतक महरले संसदीय मूल्यमान्यता विपरीत विपक्षीहरूको आवाजलाई दबाएर, पेलेर अगाडि बढ्ने सरकारको दुस्साहस, गैर लोकतान्त्रिक चरित्र र सभामुखको दलीय भूमिकाका बारेमा ‘गम्भीर’ छलफल भएको बताए । संविधानको कार्यान्वयन, प्रतिनिधिसभा नियमावलीको पालना र लोकतन्त्रको रक्षाका निम्ति विपक्षीबिचको छलफल र सहकार्यलाई आउँदा दिनमा पनि निरन्तरता दिनेबारे सहमति भएको महरको भनाइ छ ।
प्रधानमन्त्री शाहलाई संसद्मा उपस्थित भएर सांसदहरूका प्रश्नको जवाफ दिनुपर्ने भन्दै विपक्षीले विरोध गर्दै आएका छन ।
