- आइतबार, १४ असार, २०८३
चितवन, ४ साउन– नारायणघाट–मुग्लिन सडक खण्डअन्तर्गत तुइनखोलामा गुडिरहेको भारतीय कारमाथि ढुंगा खसेको छ ।
प्रहरीका अनुसार आइतबार दिउँसो गुडिरहेको कारमाथि ढुंगा खस्दा तीन जना घाइते भएका छन् ।
घाइते हुनेमा कार चालक भारत आग्राका ४२ वर्षीय रतेन्द्र यादव, ३३ वर्षीय हर्मोन यादव र ३५ वर्षीय हितेन्द्र यादव छन् । घाइते तीनै जनाको मुग्लिनस्थित स्थानीय स्वास्थ्य संस्थामा उपचार भइरहेको छ ।
ढुंगा लागेर कारको अगाडिको सिसा फुटेको जिल्ला ट्राफिक प्रहरी कार्यालय चितवनका प्रहरी निरीक्षक गायत्रीराज शर्माले बताए ।
