- मंगलबार, २४ असार, २०८२
काठमाण्डू, २३ असार– आज (सोमबार) प्रतिनिधिसभाको कार्यव्यवस्था परामर्श समिति बैठक जारी छ । प्रतिनिधि सभाका सभामुख देवराज घिमिरेको आह्वानमा प्रतिनिधिसभाको कार्यव्यवस्था परामर्श समिति बैठक केहि बेर अधि सुरु भएको हो ।
बैठकले दिउँसो एक बजे बोलाइएको प्रतिनिधि सभा बैठकको कार्यसूची तय गर्ने सभामुख घिमिरेको सचिवालय स्रोतले जानकारी दिएको छ । प्रतिनिधिसभा बैठकमा प्रधानमन्त्री केपी शर्मा ओलीले स्पेन भ्रमणबारे जानकारी दिने, सभामुख घिमिरेले संघीय निजामती सेवा विधेयकको प्रतिवेदन त्रुटि छानबिन विशेष समिति गठन भएको औपचारिक जानकारी दिनेसहितका कार्यसूची तय भएका छन् ।
बैठकमा ‘केही नेपाल ऐनलाई संशोधन गर्न बनेको विधेयक, २०८०’ र ‘भन्सार विधेयक, २०८०’ का सम्बन्धमा राष्ट्रियसभाबाट प्राप्त सन्देश टेबुल गर्ने सम्भावित कार्यसूची पनि रहेको छ ।
