- बुधबार, १८ असार, २०८२
काठमाण्डू, १७ असार– नायिका रेखा थापाले गृहमन्त्री रमेश लखेकलाई बधाई दिएकी छन । आमाको नामबाट नागरितका पाउने स्थिति बनेको भन्दै नायिका थापाले मंगलबार गृहमन्त्रीलाई भेटेर बधाई दिएकी हुन् ।
थापाले गृहमन्त्रीसँग भएको भेटवार्ताको तस्बिर सामाजिक सञ्जाल फेसबुकमा पोष्ट गर्दै लेखेकी छन्,‘सन्तानलाई आमाले जन्मदिनु हुन्छ ,आमाले पालन पोषण गर्नुहुन्छ । तर नागरिकता लिन जादा खेरी बाबुको खोजी हुन्छ ! तर आमाको नामबाट नागरितका पाउने स्थिति बनेन अब यस्तो परिस्थितिको अन्त्य भएको छ ।
नेपाल सरकार एवं गृहमन्त्रीज्युलाई यो साहासिक एवं ऐतिहासिक कदमका लागी धेरै धेरै बधाई ।’ साथै नायिका थापाले नागरिकता बिहीन नेपाली नागरिकलाई बधाई दिँदै महिला अधिकारका क्षेत्रमा सुनौलो काम भएको बताइन् ।
