- शुक्रबार, ९ जेठ, २०८२
चितवन, ९ जेठ- पूर्वी चितवनमा बस र कार ठोक्किँदा एक जनाको मृत्यु भएको छ ।
पूर्वपश्चिम राजमार्गअन्तर्गत खैरहनी नगरपालिका–२ ज्यामिरे चोकमा उदयपुरबाट काठमाण्डू आइरहेको बस र चितवन जाँदै गरेको कार आपसमा ठोक्किएर दुर्घटना भएको थियो ।
चितवन प्रहरी प्रवक्ता डिएसपी रवीन्द्र खनालका अनुसार दुर्घटनामा कार चालक खैहरनी नगरपालिका–८ का ४२ वर्षीय प्रदीप तिमिल्सिनाको मृत्यु भएको हो ।
दुर्घटनामा गम्भीर घाइते भएका तिमिल्सिनाको उपचारका क्रममा चितवन मेडिकल कलेजमा मृत्यु भएको हो ।
बस र बसका चालक प्रहरी नियन्त्रणमा छन् ।
