- शुक्रबार, ९ जेठ, २०८२
काठमाण्डू, ८ जेठ-पूर्वराजा ज्ञानेन्द्र शाहले १५ जेठदेखि थाल्ने भनिएको राजावादी आन्दोलनको तयारी बैठक राखेका छन् ।
ज्ञानेन्द्र राजावादी नेताहरुसँग आफ्नै लगानीको सोल्टी होटलमा बिहीबार लन्च मिटिङ राखेका हुन् ।
बैठकमा संयुक्त जनआन्दोलन समिति संयोजक पूर्वपञ्च नवराज सुवेदी, राप्रपा अध्यक्ष राजेन्द्र लिङ्देन, राप्रपा नेपालका अध्यक्ष कमल थापा र राष्ट्रिय शक्ति नेपालका प्रमुख केशरबहादुर विष्ट सहभागी थिए ।
श्रोतका अनुसार १५ जेठबाट सुरु हुने आन्दोलनको तयारी र प्रभावकारिताबारे ज्ञानेन्द्र र राजावादी समूहका नेताबीच कुराकानी भएको थियो ।
यसअघि पनि ज्ञानेन्द्रले करिब दुई साता नगरकोटमा बसेर राजावादी समूहका नेतासँग एक्लाएक्लै भेटेर छलफल गरेका थिए ।
