- शनिबार, २७ असार, २०८३
पर्सा, ३० माघ– खसीको भनेर बाख्राको मासु बेच्ने एक जना पक्राउ परेका छन् ।
पक्राउ पर्नेमा वीरगञ्ज महानगरपालिका–१३ का ४१ वर्षीय हारुन मियाँ छन् ।
पर्सा प्रहरीका डिएसपी किशोर लम्सालले खसीको भनेर बाख्राको मासु बेचिरहेको सूचनाका आधारमा छापा मारिएको बताए ।
बाख्राको मासुमा खसीको अण्डकोष सिलाएर बेचेको पाइएको उनले जनाए । पसलबाट प्रहरीले १५ किलोको बाख्राको मासुसमेत बरामद गरेको छ ।
मियाँविरुद्ध कालोबजारी कसुरमा कारबाही अघि बढाइएको प्रहरीको भनाइ छ ।
