एमालेको निलम्बनमा परेपछि केन्द्रीय सदस्य तिम्सिनाको प्रतिक्रियाः ‘पञ्चायतविरुद्ध लडेर आउनुभएका नेतृत्वले पञ्चकै नक्कल नगर्नुभएको भए हुन्थ्यो’

काठमाण्डु, ११ पुस– हिजो (बुधबार) बसेको एमाले सचिवालयको बैठकले पार्टीका पूर्व उपाध्यक्ष डा. भिम रावललाई पार्टी सदस्यनै नरहने गरी एमाले निष्कासन गर्याे भने केन्द्रीय सदस्य उषाकिरण तिम्सिना र स्थायी कमिटी सदस्य बिन्दा पाण्डेलार्य ६ महिनाका लागि निलम्बन गर्याे । सचिवालय बैठकले आफूलगायत नेतालाई निलम्बन र निष्कासन गर्ने निर्णय गणतान्त्रिक पद्धतिविपरीत भएको एमालेकी निलम्बित केन्द्रीय सदस्य तिम्सिनाले प्रतिक्रिया दिएकी छन् ।

पार्टीमाथि प्रश्न उठिरहेका बेला पार्टीले आफूलाई निलम्बित गरेको भन्दै केन्द्रीय सदस्य तिम्सिनाले असन्तुष्टि व्यक्त गरेकी छन । मीनबहादुर गुरुङले पार्टी केन्द्रीय कार्यालयका लागि जग्गा र भवन दान दिने र एमालेले लिने निर्णयको आलोचना गरेकामा पाण्डे र तिम्सिना निलम्बनमा परेका हुन् । यसअघि उनीहरूलाई लिखित स्पष्टीकरण सोधिएको थियो ।

पार्टी सचिवालयले निलम्बनको निर्णय लिइरहेका बेला आफू नुवाकोट निर्वाचन क्षेत्र नम्बर १ मा पर्ने गाउँपालिका कमिटीका अधिवेशन सम्पन्न गरेर फर्किइरहेको केन्द्रीय सदस्य तिम्सिनाले सामाजिक सञ्जालमार्फत जानकारी दिएकी छन । उनी नुवाकोट निर्वाचन क्षेत्र नम्बर १ को इन्चार्ज हुन् । पार्टी सचिवालयले लिएको निलम्बनबारे उनले सामाजिक सञ्जालमा लेखेकी छन, ‘यो नगर्नुपर्थ्यो ।

यो त गणतन्त्र हो, हाम्रा पञ्चायतविरुद्ध लडेर आएका नेताहरू नेतृत्वमा छन् ।’ प्रजातन्त्र आयो, गणतन्त्र आयो । यो गणतान्त्रिक पद्धति र प्राणलीलाई नसुहाउने काम भयो । पञ्चायतविरुद्ध लडेर आउनुभएका नेतृत्वले पञ्चकै नक्कल नगर्नुभएको भए हुन्थ्यो ।’