- बुधबार, ३१ असार, २०८३
धनुषा, ४ पुस– धनुषामा बोराभित्र बेरिएको अवस्थामा एक जनाको शव फेला परेको छ ।
मिथिला बिहारी नगरपालिका–२ पुरन्डाहामा बोराभित्र राखिएको अवस्थामा शव भेटिएको प्रहरीले जनाएको छ ।
धनुषाका प्रहरी प्रवक्ता डीएसपी बरुणबहादुर सिंहका अनुसार अन्दाजी ३० वर्षीय युवाको शव सडेको अवस्थामा भेटिएको छ ।
सिंहले घटनाबारे अनुसन्धान अघि बढाइएको जानकारी दिए । अनुसन्धानका लागि तालिमप्राप्त कुकुर समेत परिचालन गरिएको उनले बताए ।
