- शनिबार, २ साउन, २०८३
सुर्खेत, २५ कात्तिक– प्रहरीले सुर्खेतमा १५ वटा रात्रि बस नियन्त्रणमा लिएको छ ।
सिट क्षमताभन्दा बढी यात्रु बोकेका ती बस वीरेन्द्रनगरको सुब्बाकुनामा नियन्त्रणमा लिइएको जिल्ला प्रहरी कार्यालय सुर्खेतले जनाएको छ । ती बसहरु शनिबार सुर्खेतबाट काठमाण्डुका लागि छुटेका थिए ।
प्रहरीले अर्को बसको बन्दोबस्त गरेर यात्रुलाई गन्तव्यमा पठाएको छ । कर्णाली प्रदेश ०२००१ ख ९९८ नम्बरको बस शुक्रबार सुर्खेतको वीरेन्द्रनगर नगरपालिका–१४ रातानाङ्लामा दुर्घटना हुँदा चार यात्रुको मृत्यु भएको थियो भने ३० जना घाइते भएका थिए ।
सिट क्षमताभन्दा बढी यात्रु चढाएका कारण दुर्घटना भएको प्रहरीले बताएको थियो ।
दुर्घटना हुनुमा प्रहरीको लापरबाही जिम्मेवार रहेको भन्दै शनिबार वीरेन्द्रनगरमा प्रदर्शन गरिएको थियो ।
