- शनिबार, २ साउन, २०८३
सुर्खेत, २३ कात्तिक- सुर्खेतको वीरेन्द्रनगर नगरपालिका-१४ रातानाङ्ग्ला नजिकै शुक्रबार भएको सवारी दुर्घटनामा परी मृत्यु भएका सबै ४ जनाकै सनाखत भएको छ ।
दैलेखबाट सुर्खेत आउँदै गरेको देउती नागरिकको कर्णाली प्रदेश ०२००१ख०९९८नम्बरको फोर्स गाडी सुर्खेत-दैलेख सीमास्थित रातानाङ्ग्ला नजिकै सडकबाट करिब दुई सय मिटर तल भीरमा खसेर दुर्घटनाग्रस्त भएको थियो ।
मृत्यु हुनेमा दैलेखको भैरबी गाउँपालिका–५ का गाडी चालक ३८ वर्षीय सुरेश केसी, सोही पालिका वडा नम्बर-२ का ३६ वर्षीय कर्णबहादुर विष्ट, वडा नम्बर-१ की १६ वर्षीया दिपीका महतारा र २१ वर्षीया संगीता विष्ट रहेको प्रहरीले जनाएको छ ।
सुर्खेत प्रहरी प्रमुख एसपी रूपेश खड्काले दुर्घटनामा ३० जना घाइते भएको र उनीहरूमध्ये ३ जनाको अवस्था गम्भीर रहेको बताए ।
उनका अनुसार घाइते सबैको प्रदेश अस्पताल सुर्खेतमा उपचार भइरहेको छ ।
