- बुधबार, ६ साउन, २०८३
महोत्तरी, १ कात्तिक– प्रहरीले महोत्तरीबाट स्रोत नखुलेको ८ लाख ५ हजार ५ सय रुपैयाँसहित एक जनालाई पक्राउ गरेको छ ।
पक्राउ पर्नेमा साम्सी गाउँपालिका–७ का २८ वर्षीय रामस्नेही साह रहेको महोत्तरी प्रहरीले जानकारी दिएको छ ।
हिजो (बुधबार) दिउँसो जलेश्वर–सम्सी सडकखण्डको भोल्ही चोकबाट उनलाई पक्राउ गरीएको महोत्तरीका प्रहरी प्रवक्ता डिएसपी सन्तुलाल जयसवारले जानकारी दिएका छन ।
बीआर ३० एएफ ३८७६ नम्बरको भारतीय मोटरसाइकलमा यात्रा गरिरहेका साहलाई शंकाका आधारमा चेकजाँच गर्दा स्रोत नखुलेको नगद बरामद गरी उनलाई पक्राउ गरीएको डिएसपी जयसवारले जानकारी दिए ।
पक्राउ परेका साह र मोटरसाइकललाई नियन्त्रणमा लिएर थप अनुसन्धान गरिरहेको जिल्ला प्रहरी कार्यालय महोत्तरीले जानकारी दिएको छ ।
