- बुधबार, ६ साउन, २०८३
मुस्ताङ, २९ असोज- मुस्ताङमा कार र मोटरसाइकल ठोक्किँदा एक जनाको मृत्यु भएको छ ।
पोखराबाट लोमान्थाङतर्फ गइरहेको बा१प ४२१० नम्बरको मोटरसाइकल र जोमसोमबाट पोखरातर्फ जाँदै गरेको ना१च ७६९२ नम्बरको कार थासाङ गाउँपालिका–२ मार्फा नजिकै थालेखोलामा मंगलबार साँझ ठोक्किएका प्रहरीले जनाएको छ ।
दुर्घटनामा मोटरसाइकल चालक आरु चनौटे-९ गोरखाका ३३ वर्षीय सञ्जय खड्काको मृत्यु भएको हो ।
मुस्ताङ प्रहरी प्रमुख डिएसपी सूर्यबहादुर बोगटीका अनुसार मृतक खड्का अपर मुस्ताङ घुम्न काठमाण्डूबाट जाँदै थिए ।
दुर्घटनाबाट गम्भीर घाइते भएका खड्कालाई मुस्ताङ अस्पतालमा पुर्याइएकामा चिकित्सकले तत्काल मृत घोषणा गरेका थिए ।
डिएसपी बोगटीले कार चालक सुन्दर ट्वाटीलाई नियन्त्रणमा लिएर आवश्यक कारबाही अगाडि बढाइएको जानकारी दिए ।
